Cukuru wa sekondary wa Mugwandi na uria uri gicigo mbunge gia Kirinyaga ya gatagati kaunty ya Kirinyaga, uri kigeraini gia kubingwo niundu wa kwaga arutwo.
Kwa ibinda riri cukuru uyu wina murutwo umwe tu, undu uria ututhurite ngaja gatagati ka aikari a mwena uyu oroundumwe na anyiti itemi a kithomo.
Riria andiki a moboro maracereire cukuru uyu uronekanire na murutwo umwe uria wa kirathi gia form two, na uria arari mibang’oini ya gweterera mathomo ma ruthiomi rwa kithungu.
Mwalimu munene wa cukuru uyu na uria uratumirwo mwena ucio ica ikubi ,niararegire kubeana ndumiriri o ciothe kuri andiki a moboro akiuga ndangika uguo, atari na rutha rwa murugugamiriri munene wa kithomo thiini wa kaunty.
Mumbunge wa gicigo mbunge gia Kirinyaga ya gatagati akurubanitie ndeto ino ya mwanya na gucerithiria gwa komiconi ya arimu T.S.C bari kwamura mwalimu munene wa cukuru uyu, undu uria uracunguiririe aciari kuthamiria ciana ciao thiini wa cukuru ingi cia muingi.
Aciari amwe nimanyitite mbaru uuge wa mumbunge Gitari, guku angi makiorota ritwa ria cukuru riria rigitaurwo ni kuuga kugwa ta gitumi kia aciari, kuruta ciana cukuruini uyu na njira nene.
Mbica irutitwo online
–Muriithi Amos-
