Kanju ya kuramata andiki a movoro, niyugite gikiro kia movoro nikithiite nthi na njira nene varia riu murugamiriri munene wa kanju ino David Omwoyo augite nikuvatii kugia na ugaruruku na gucokia ukinyaniru wa movoro.
Omwoyo niwongererete na kuuga nikuvatarite gukorwa kwiina mutaratara wa kuthomithia aria mathurimaga movoro niguo movoro maria maramemerekua magacire.
Akiaria vindi ya kuthundura muvango wa kuvecana nthumbi kuria andiki a movoro niundu wa mwaka uyu wa 2025 niguo Annual Journalism Excellence awards (AJEA) muciiri wa Nairobi, Omwoyo niugite mwaka uyu nimagutumira mutaratara ngurani.
Judie Kaberia uria ni umwe wa manjanji thiini wa muvango uyu niugite nthumbi ino niitethagia uria utugitwe na njira nene.
Kaari Mugendi
Mbica irutitwe online
