Ambunge maiganona nimateaniirie itua ria igoti ria kwirikana mungano wa Kenya Kwanza, tiguo ubatii gukorwo na ambunge aingi, makirigaweta ta itua ritegukorwo na umithio Munene.
Makiaria umuthi kiroko matongoretio ni mumbunge wa gicigo mbunge kia Ugenya David Ochieng, maugite itua riu ritingiruthikia wira, kuona mbunge niyo iri na uigiririki wa gutuithania ndugamano cia muthemba to ucio.
Akinyita mbaru miario iyo mumbunge murugamiriri wa atumia kaunty ya Laikipia Jane Kagiri, augite ciama nyingi niirikitie kuuma munganoini wa Azimio, thutha wa maumirira ma ithurano nene cia mwaka wa 2022, guku akiuga mungano wa Kenya Kwanza nimekung’ethanira na itua riu ria igoti.
Jaji athatu muthenya wa jumaa maugire Mungano wa Kenya Kwanza na uria utongoragio ni Raisi William Ruto tiguo wina ambunge aria aingi, mbungeini ya kibururi na matibatii gukorwo mari na unene uria mari naguo mbungeini ino.
Mbica irutitwo online
-Muriithi Amos-
