Masenator aria makoretwe makinyita mbaru uria wari munini wa Rigathi Gachagua nithengutitue thiini wa Kamiti ciie gatu mbungeri ya Senate.
Senator wa Murang’a Joe Nyutu, wa Kiambu Karungo Thangwa na wa Kirinyaga James Murango ni gatagatiri ga atongoria aria mavutitue ni wagi wa wigusano uria ukoretwe wivo gatagatiri ka Rais William Ruto na uria wari munini wake Gachagua.
Nyutu akoretwe agitungata aita mwenegiti wa Kamiti ya kithomo, Thangwa ari mwenegiti wa Kamiti ya varavara na ukui varia mathengutitue thiini wa iturwa itiganite na Kamiti ngurani.
Murango, arari mwenegiti wa Kamiti ya urimi varia wanake onetue murango.
Senator wa Busia Okiya Omtatah niuthengutitue thiini wa Kamiti ya Senate Public Accounts. Omtatah niwaniririte wendi wake wa kuvuranira gturwa kia urais thiini wa kithurano kinene giukite mwaka wa 2027 na kuthengutia Rais Ruto wathaniri.
Mbica irutitwo online
-Kaari wa Mugendi-
