Aruguti a ngari na vikiviki kenya riu nimauritue ni EPRA kwivariria kuuvanda kwa maguta kuma tariki ikumi na inya mweri uyu wa kairi .
Murungamiriri munene wa EPRA Daniel Kiptoo niugite wambatiri uyu uracungirirwa ni uvandi wa maguta thi yothe uria wandikirwe January mwaka uyu .
Kimenyithia giki nigiukite vuva wa EPRA kwanirira kuvanda kwa super petro na ing’otore 0.29 ,dicoro na ciringi igiri, namo maguta ma taa na ciringi ithato .
Kuria litre ya petro Nairobi ni ciringi 176.58 dithuru ni 167.06 na maguta ma taa ni 151.39
Mbica irutitwo online
–Ann Rita Makena-
