Mungano wa thibitari cia andu kiumbe cia icagini na mataunini guku bururini nio Rural & Urban Private Hospitals Association of Kenya RUPHA, niwaniriire kurugamio kwa utungata wa SHA, kwambiriria muthenya wa Jumatatu kiumia giuku niundu wa kiria mareta kwaga kumurikwo kwa mathina maria magumiire mutaratara ucio.
Makiaria na andiki a moboro umuthi, muikariri giti wa mungano ucio Dr. Brian Lishenga augite mathina maria magumiire mathina ma SHA nimakoretwo matekumurikwo undu uria uraiga miturire ya arwaru ugwatini.
Mamwe ma mathina maria maragweta ni mutambo wa SHA kugwa, kuthii kabora kwa mutaratara wa kuthurima namba ya kuubingura nio One-Time Password (OTP) verification, bamwe na mathina mangi maria makoretwo kuo kwa ibinda ria mweri umwe.
Riu maniriire na kuuga mathibitari macio mari rungu rwa mungano RUPHA matikuneana utungata ucio rungu rwa Medical Administrators Kenya Limited (MAKL) rubonge ruriua rubeanga mutungata ma ugima wa muiri kuri arimu na maabithaa a borithi.
Mbica irutitwo online
-Muriithi Amos-
