Minista wa maundu ma nja ya vururi kuria Lesotho, Lejone Mpotjoane niamakite na kwigua arumitwe ni rais wa vururi wa Amerika Donald Trump riria augite gutiri mundu wanegua vururi ucio wa Africa na varia amukarivithitie gucera vururiri ucio.
Trump agwetete Lesotho thiini wa gikaro giake akianirira uteithio uria atecaniritie akiuga ucio ni wanangi wa mbeca.
Trump niathiite nambere kuanirira dollar mirioni 8 iria ciatengetwe gutethereria andu aria makoragwa maina unyanya mari a mwena umwe kana LGBTQI+ ni gatagatiri ga uteithio uria utecaniritue.
Lejone niugite giki ni kirumi kuri vururi ucio akiongorera niugegetue ni miario ino ikiumana na mutongoria wa gikiro giki.
Lesotho, ni vururi wiina irima na wiina andu matanyivirite mirioni 2 na ithiururukiritue ni South Africa na maita mengi imenyekanaga ta The Kingdom in the Sky.
Mbica irutitwo online
–Kaari wa Mugendi-
