Gicunji kia Mamcas kuuma mbunge ya kaunti ya Machakos nimaugite matikugura gwoya na nimakuthii nambere na itanya riao ria gwikia nja spika Ann Kiusya.
Makiria ma MCAs 38 muthenya wegoro marari na gikaro na andiki a movoro varia maraugire spika Kiusya niwonanitie gutari na nganja gukorwa atakinyanirite gutungata na niukoretwe akigondereria mendekithia ma uthii wanambere thiini wa mbunge iyo.
Matongoretwe ni Nicholas Nzioka Wangondi, na uria nike uretete ndereti ino, nimaugite ikinyo riri mocete riticukumitue ni kiama kia Wpier wana kana gavana Wavinya Ndeti.
Wangondi niuthiite na mbere kuuga gutiri na uteti wingiritue thiini wa ndereti ino na ni itua riumanite MCAs kuuma ciama cionthe ari vamwe na Wiper, GDDP, Maendeleo ChapChap, na nginyagia aria mathurirue matari na kiama.
Guku akiongerera aria mari na uira wa gukorwa kwina MCA urivitwe gukorwa makivira uira ucio kuri ruvonge rwa kuthuthuria wiki nai kana komiconi ya kuvurana na ungumania.
Niuthiite nambere kumurika spika niundu wa kuruta mirioni 250 cia uthii wanambere thiini wa kigina na kurega kuvewa mataro.
Mwenari wake munini wa spika, Stephen Mwanthi niugite gutiri na gucoka na vuva muvangori ucio niundu itua niririkitie guocwa.
Guku akiongorera uthii wanambere niugondererete muno na rimwe mbanjeti ya uthii wanambere niiracokua. Gku agikanyiriria maina namba iria irendekana gutwarithia nambere muvango uyu na gutiri na mweke wa kwaraniria.
MCA Mbili Ndawa niuritie spika Kiusya gutiga wira atakuananga mathaa na indo.
Mbica irutitwo online
–Ann Rita Makena-
