Aikari a gicigo mbunge kia Mwea kaunty ya Kirinyaga nimonanitie kwaga kuiganira kwao niundu wa kiria mareta kuongerereka wa uici wa mbunda mwena ucio.
Kuringana na muikariri giti wa ene mbunda mwena ucio Mary Wambui, makiria ma mbunda 30 niciiyitwo na kuthinjwo ni andu matoikaine kiumia kibituku.
Jumaa ya kiumia kibituku aikari a itura ria Rurii locationini ya Wamumu, nimekorete na kimako thutha wa gukora mbunda inyanya ciiyitwo kuuma kuri muikari umwe, na kuthinjirwo nja ya kiwanja gia kanitha wa Apostolic wa Rurii.
Kuringana na mwene mbunda icio Miriam Njagi, mbunda icio iraiyirwo mathaini ma kiroko undu ucungiriirie we gutara athara ya mbeca itanyibiire 136,000.
Cibu wa location ya Wamumu Godfrey Mithamo augite muikuirwo umwe niarikitie guikio ngono, na arigiriirio cecenini ya borithi ya Kiandegwa.
Mithamo ningi nioritie aikari a guku kurutithania wira na atongoria a matura niguo gutigirira aici aya nimaikio ngono.
Mbica irutitwo online
–Muriithi Amos-
