Uria wari munini wa raisi Rigathi Gachagua niutariritie wagagu wake wigii gucoka gwa njovi itari mbitikirie thiini wa gicigo gia gatagati.
Akiaria na ekari a Kangai kaunti ya Kirinyaga na njira ya thimu,Gachagua niumenereretie thirikari ya Kenya Kwanza na kuuga nirekereretie njovi ino itari mbitikirie gukorwa ikiendua thiini wa gicigo giki.
Gachagua niuthiite na mbere gutariria wagagu wake vuva ya andu airi gukoma thivitari niundu wa kunyua njovi ino muthenya wa njumaine varia mavirirue thivitariri ya Kerugoya referral niguo mavote kuamukira urigiti.
Akiongorera niugite ni undu wiina kieva kuona thirikari itikiritie njovi ino thiini wa wadi iria andu 17 mathikirue mweri wakairi mwaka muvituku vuva ya kunyua njovi itari mbitikirie.
Araragia nae kari kuvitukira thimu iria aravuririte senator wa kaunti ya Kirinyaga, James Murango.
Senator Murango, murugamiriri wa atumia kaunti ino ya Kirinyaga Jane Njeri maina na Baragwi MCA David Mathenge, maracerete iturari ria Kangai vuva ya gicanjama giki kia njumaine vara maramenererie thirikari ya kaunti niundu wa kuvecana marua kuri iravu makiria na nvonge cia ugitiri niundu wa gwitikiria ene iravu kuruta mbiacara mathaa 24.
Gachagua niurerire ekari a Kangai uthunduri wa kiama giceru gia uteti mweri turoretie na varia gikavurana na njovi itari mbitikirie thiini wa gicigo giki.
Mbica irutitwo online
-Kaari wa Mugendi-
