Muugano wa urumwe wa mavururi wa kuramata maundu megii irio na urimi wiina kigomano kiao kia 44 kuria Rome na varia gitanyitue gukinya muthia tariki 4 mweriri.
Vava Mutheru Leo XIV niutumite ndumiriri yake kuri aria onthe mari kigomanori giki guku FAO igukunguira miaka 80 kuuma riria yambirirue niguo kuvurana na thina wa unyiviriru wa irio na wagi wa ugima mwega wa mwiri.
Thiini wa ndumiriri yake, Vava Mutheru niugite kanitha niranyita mbaru itanya ria muugano uyu ria kuvurana na ngaragu nthi ngima akiririkana uria Yesu atamataga aria maukaga kumuthikiriria na kumava gia kuria.
Niuthiite nambere kuuga nimonete undu wiina kieva varia ngaragu iratumikaga ta itharaita ria mbara. Akiongorera kuvutithia andu ni njira ya nthi muno kureta mbara.
Mbara iria nyingi iravuranua ni raiya a mavururi vanduri va maavithaa a mbiraru guku kuvivia gwa mimera na kugiriria uteithio wa irio kuingira mavururi ukigumira na njira nene andu aria mataina vinya.
Niuritie andu onthe gutuika kiumo kia thayu na kwithema gutumira ngaragu gukinyaniria maundu ma giuteti.
Guku akiranira wirutiri wa Holy see gutigirira andu onthe nimagia na kivoto gwata makiria aria magumiritue ni ngaragu na nyonda.
Mbica irutitwo online
Kaari wa Mugendi
