Andu a nyumba imwe ituraini ria Njogu-ini Kagumo, Kirinyaga ya gatagati nimatigitwo na kimako thutha wa igongona ria mathiko ria kuburukia umwe wao Peter Macharia wa ukuru wa miaka 21 na uria warathirwo na njira ya unyamu bindi ya mirurungano ya Sabasaba gukanjwo dagika ya muthia.
Mathiko macio na maria mekubangitwo gwikika umuthi makanjirwo thutha wa muthurimi wa miiri kuuma mwena wa thirikari kwaga gwikinyia gutabania kithimi gia post mortem thiini wa mocari ya thibitari ya Kerugoya County Referral .
Mwaria wa bamili Hezekiah Kang’ethe nionanitie kieba kinene niundu wa kurugamio kwa mibang’o iyo guku akiuga guku nikwongerera ruo iguru ria ruria rungi.
MCA wa Wardi ya Mutira David Kinyua Wangui, na uria ni umwe wa andu a nyumba niamenereirie thirikari niundu wa kwaga kugia na uigiririki.
Mwenaini wake MCA wa kwamurwo thirikarini ya kaunty ya Kirinyaga Bosco Gichangi nigwatanirite na andu a nyumba gwitia kiboto kia bamili ino.
Mbica irutitwo online
–Muriithi Amos-
