Aikari a itura ria Buruburu mwena wa Manyani, wardi ya Kivumbini,gicigo mbunge kia Nakuru Town East nimatigitwo na kimako thutha wa mundurume kuraga mwana wake wa miaka 4 mbere ya gucoka kwiruta muoyo.
Agikira mukonde ndeto ici komanda wa borithi wa Nakuru Town East Samson Adanje augite muikuirwo uyu akurikanite ta Denis Michael Nthenge.
Maabithaa a borithi maugite Nthenge acukumiriirie mwana wake na uria urari wa P1 kunyua thumu mbere yake gucoka kwiita ari gwake mucii mathaini ma utuku.
Andu aria mariganitie nake maugite Nthenge makoretwo na ngucanio cia kiwendo na mutumia wake na arakoretwo atigite aciari ake mwena wa Machanga.
Maabithaa a borithi maugite Nthenge niaratigite iratathi riugite niarekuagira mutumia wake niakoretwo akiuma nja ya kibiko.
Mbica irutitwo online
–Muriithi Amos-
