Thirikari igakorwa ikiandika wira aria makoretwe magitungata muvangori wa ugima wa mwiri wa Universal Health Coverage (UHC) aria mari thiini wa kandarathi kavindari gaka gutuika permanent and pensionable terms, ino ni ndeto yaniriritue ni Rais William Ruto.
Rais niuritie kaunti kunyitirira mutaratara uyu niguo aruti wira makiria ma 7,500 mambiririe kuamukira micara migacarie rungu rwa mitaratara miceru iria ikiritue mweriri uyu.
Rais niuthiite nambere kuuga muvango uyu ukava vinya motungata ma ugima wa mwiri varia ongererete aruti wira aya nimacangirite muno kugia na umithio muvangori wa universal health coverage.
Rais araragia ari thivitariri ya Coast General Teaching and Referral mwena wa Gicuari muthenya wegoro varia aravecanire marua cia kwandikwa kuri aruti wira aria makoretwe mari temporary gutuika permanent and pensionable.
Araumagaranitie na gavana wa kaunti ya Mombasa, Abdullswamad Shariff Nassir, minista wa mithako Salim Mvurya, ambunge na MCAs.
Kavindari wakau Rais Ruto niuraririe kaunti iria itarivite Community Health Promoters gutigirira nicieka uguo igikinya muthia wa kiumia giki.
Akiuga ni undu wiina kieva kuona kaunti ikithii nambere gucerithia micara ya aruti wira aya wana thengia ya kwirutira kwao kunyitirira muvango wa universal health coverage.
Kaari Mugendi
