Aruti wira thiini wa secta itiganite kaunty ya Embu ari bamwe na arigitani a gikiro kia nurses, clerical staff, aruti wira mathokoini, maabithaa a kuthingatithia watho nimagomete na kwiumiria kuonania kwaga kuiganira kwao kurumirira kiria metite kwaga kuribwo micara yao kwa ibinda ria mieri ithatu ni thirikari ya kaunty.
Aruti wira yaya maugite nimakoretwo makithinika na njira nene niundu wa micara yao ya mieri ithatu gukorwo itari miribe.
Pauline Njeru, na uria urutaga wira thiini wa wabici nene cia kaunty niereithitie uria kaunty ikoretwo ikirenga mbeca ciao rungu rwa mubango wa sha mabwe na maribi mangi ma umweri ona thengia ya mbeca icio gukorwo irengetwo kuuma kuri micara yao ya umweri.
Ningi augite ndeto ino niayakiririe ona makiria kuona matiramukira utungata wa urigitani rungu rwa SHA kuona mbeca cia SHA itikoretwo igikinya thiini wa mathibitari.
Riu aruti wira aya maugite mekuthii na mbere na kuiga miiro yao thii kinyagia riria thirikari ya kaunty ikathikiriria mateta mao.
Maundu maria maretetia ni kwaga kubewa promotions gucerithirio kwa micara yao,kuribwa mbeca cia igoto, kwaga kwandikwo wira na mutaratara wa permanent and pensionable bamwe na maundu mangi.
Igeria ria kwaraniria na County secretary ndunagia matunda mbere ya kuthii rieraini.
Mbica irutitwo online
–Muriithi Amos-
