Rais William Ruto niwathite munene wa maavithaa a vorithi Douglas Kanja guocera makinyo marumu ma watho ikundi cia wiki naai iria ikoretwe ikivaragania micemanio ya giuteti undumwe na gucungirira ngui kuonthe vururiri.
Watho uyu ukite vuva ya icanjama cia nguui kuonekana vindi ya ithurano nini iria ciekikire kiumia kivituku na mambura ma giuteti varia ndeto ino iretete ciuria cigii gukomborwa gwa eki naai gutumika kunyamaria na kwagagia andu micemaniori ya giuteti.
Akiaria ari cukuruini wa mathomo ma borithi mwena wa Embakasi, kuria aratongoririe mambura ma gwikirwa nthumbi gwa makiria ma macivu na anini ao 5,892, Rais Ruto niamenereirie icanjama iria ithiite na mbere kuongerereka guku vururiri cia mbukaniriro ciumanite na uteti.
Watho uyu ukite wariri mwena wa mung’ethaniro ukoretwe ukimenereria thirikari niundu wa gukorwa mataguoca makinyo kumana na mbukaniriro iria cieyumiritie na gwata makiria ikierekerua kuri ikundi iria ikoretwe ikiregana na thirikari.
Wauguo nimongererete na kuuga nvonge cia ugitiri ikoretwe ikirutithia watho wira na muthutukanio varia ikundi cia wiki naai igikuruvanua na thirikari cionekanite igitwarithia na mbere icanjama ino guku magikirira watho kuvinyiriria micemanio ya mwena wa mungethaniro.
Mbica irutitwo online
-Kaari wa Mugendi-
