Erick Wekesa uria ni muvotani wa ithurano nini cia wardi ya Kabuchai iria ciatavanirue muthenya wa alamisi kiumia kithiru kauntiri ya Bungoma nioritue gwikinyia gituori kia vorithi kia Kapsabet kauntiri ya Nandi ni maavitha a DCI, niguo kwandikithia ndumiriri igie wei wa kaua iturari ria Tinderet undu augite ni umumakitie guku agikanyiriria kuuga ndari na unyitaniri wa wonthe wa kaua na ndaumite mwena ucio.
Wekesa augite ino ni imwe ya mivango ya ang’ethaniri ake aria matakenerere uvotani wake ya kugiririria kwivitithua mithenya minini vuva wake kuura mucii gwake agitigira ugitiri wake na kuria riu auritie thirikari kumwirira ugitiri wake mbere ya gwikinyia gituori kia vorithi muthenya wa umunthi.Ningi niakanyiriritie kuuga kuri na mworoto muthithe wigie kurua gwikinyia kwandikithia ndumiriri.
Mbica irutitwo online
–Murugi wa Gitonga-
