Mundurume wa ukuru wa gatagatiini nioragitwo ni muingi thokoini ya Mururi gicigo mbunge gia Gichugu kaunty ya Kirinyaga thutha wa kunyitwo akiiya nguku iraraririirio kuthinjwa muthenya wa thiguku ya Christmas.
Kuringana na aikari a mwena uyu matongoretio ni Francis Mutegi,giiko giki kirabanikire thaa inyanya cia utuku riria muikuirwo araingirire mucii wa murugamiriri wa itura.
Riria aronire mundu urekira nguku nguniani nibo aramenyithirie muriu wake bamwe na andu ma matura aria marokire na kumukorerera.
Aikari maugite muikuirwa niararikitie kuiya thiini wa micii ingi iri mbere ya aikitio ngono utuku ucio.
Kurumirira ndeto ino nibo muingi urari na matukuya maragurire betro na kumumundia mwaki mbere ya maabithaa a borithi makinyite.
Maabithaa a borithi aria marekinyire nimarageririe kubonokia muikuirwo kuuma mokoini ma muingi no undu ucio ndunagia matunda, guku makiuria aikari kwithema kuoyaga watho mokoini na ithenyaini riu kuburaga riboti kuri bonge cia wathani.
Mwiri wa mundu murume uyu ni utwarirwe nyombari ya kwiiga miiri ya Keruguya ugieterera gutamburika.
Mbica irutitwo online
–Muriithi Amos-
