Mundurume niuragite mutumia wake na njira ya kumutharikira na kindu gitubu mbere yake gucoka kwiruta muoyo na njira ya kwiita ituraini ria Kyamukwa mwena wa Kalawa, Mbooni ya irathiro kaunty ya Makueni.
Komanda wa mwena wa Mbooni ya Irathiro Iphrahim Karani niekirite mukonde giiko giki guku akiuga endwa acio marakoretwo na ngucanio cia mabinda kwa mabinda.
Karani nioritie andu aria mari nduguini kwetha njira njagiriru cia kwetha ibonia ciina thayu riria ngucanio cia kimucii ciakorwo ikiumiria.
Miiri ya eri acio nitwaritwo nyumbaini ya kuiga miiri ya thibitari nene ya Kalawa.
Giiko giki giukite oriri thirikari iramurika mithenya ikumi na itandatu ya kuburana na ciiko cia kunyamario kwa andu nio 16 Days of Activism Against Gender-Based Violence.
Mbica irutitwo online
–Muriithi Amos-
