Thirikari niitecaniritie kimenyithia kiria kirathiururuka thiini wa mitambo ya kiriu ya ukinyaniria gikiuga muthenya wa ruciu ni muthenya wa kuvuruka gukunguira Diwali.
Ministry ya ugitiri ya ndari ya vururi kuvitukira mutambo waao wa ukinyaniria wa kiriu wa Twitter nimaugite kimenyithia giki ni kia maveni.
Diwali, ni ngunguiro cia etikia a witikio wa Hindu nthi ngima na iria ciekikaga vanduri va mithenya itano varia ciukaga gatagatiri ga mweri wa ikumi na ikumi na imwe wa mwaka.
Ngunguiro ino ni cia kuonania uvotani iguru rigii maundu maria macuku na muthenya wa kugoca ngai ciao cia kutherema.
Ngunguiro ino ikoragwa ikuruvanitie andu a mucii, arata na avuri mbiacara varia mavecanaga iveo na theremende, kurikiriria kandarathi cia mbiacara na kwiranira kuthiria uthu, marakara na wiru.
Vururiri wa Kenya, ruriri rwa uindi ni gicunji kia imwe vari igana na nikio ngunguiro ino itarakuingirwa ni andu aria engi.
-Mbica irutitwe online
-Kaari Mugendi
