Wonete uthaka wa nyomba ndungimenya makinyo maria ivitukirite niguo gukorwa iri nthaka.
Mitaratara ya gucarania na uthaka uyu, ithiicaga na mbere wa muthenya iturari ria Ndarugo mwena wa kithimu gicigo mbunge kia manyatta kuria uthodeki na uvuri wa mathiga maramenyekana ta ma nine mathondekagirwa.
Guku, ni kumwe tu gwa kuthondekera mathiga ma gwaka guku Embu County. Uthodeki wa mathiga mama wambagiriria na gucoronga munyanjara wa ithiga niguo ataramu a uthondeki wa mathiga mama mavote kuritumura.
Wauguo, matigari maria monekaga vuva wa kuthondeka mathiga ma ithimi iria iria ikwendeka matumagirwa kuthondeka kagoto karia wanako gatumagirwa thiini wa waki.
Avuri a mathiga mama matongoretwe ni David Mutembei maugite niguo kuguciriria aguri, mathiga mama nimendaga kuvangwa waaro guku makiuga mendagia mathiga mao kuringana na wigucano wao na aguri.
Wira wa kuthondeka mathiga mama ukoragwa uri kiguni kinene kuri avuri na atuuri a mwena ucio kwona ati maguraga mathiga mau na thogora wa nthi makiria kwona ati mari vakuvi nao.
Kware ino yandikite makiria ma andu 100 aria marutaga wira wa kuvura mathiga vo wamuthenya.
Kunari uguo, athondeki a mathiga mau maugite uthuku wa varavara nikio kiremithia kinene gitumaga mendie mathiga mao na thogora wa nthi wanagukorwa mathiga maria mathondekaga ni ma kirathi kia iguru.
Riu ni mwivoko wao ni ati thirikari kuvetukira atongoria ao niikumathondekera njira icio niguo kumavotithia gukinyirika na kumiria mathiga mau na njira mvuthu.
-Mwende Jackie
