Kiama kia UDA kauntiri ya Embu gitongoretue ni muvuraniri wa giturwa kia ungavana Cecily Mbarire nikiamukirite muvuraniri wa giturwa kia ungavana na tigiti ya Jubilee Emilio Kathuri thiini wa kiama giki vamwe na arumiriri ake makiria ma andu 500.
Akimagwata ugeni, Mbarire niumauritie kwigua meganirite niundu magakorwa mari thirikariri wona avotana kithuranori gia kiumia giuku Njumaine.
Akiaria indi ya kwamukirwa guku, Kathuri augite kuthama gwake munganori wa Azimio la Umoja One Kenya gukite niundu wa muthutukanio uria akoretwe akionua gwa kavinda riu.
Kathuri niuritie ekari a Embu kugwatirira Mbarire niguo akandikithia uvotani.
Mwenari wake Alexander Munyi Mundigi uria uravuranira giturwa kia senita kauntiri ya Embu niuritie mwingi gukamuthura niguo magwatanire na Mbarire gukuria Embu.
-Mbuya Ngari-
