Muruiri wa ivoto cia mwingi niwandikithitie mateta igotiri akithitanga karani wa mbunge ya kaunti ya Meru, Jacob Kirari, niundu wa kuivitithia maMCA ana a kuthukua, ndeto iria ekire mugaru na watho wa igoti uria wavecanitwe Njumatano.
Salesio Thuranira niwandikithitie mateta igotiri, na watho kuvecanwa wa kurigiriria maMCA ama ana aria mari gikundiri kia aria matiganagirua muno kengi.
Augite komiconi ya ithurano na mivaka IEBC niyekire mavitia yatiganiria nja andu aria mari wathe thiini wa uthondeki wa mbunge ya kaunti ya Meru.
Watho wa kurigirirua kuivitithua kwa ana ama kwavecanirwe ni njanji Edward Muriithi Njumatano kiroko, ndagika 30 mbere ya kuivitithua kwa maMCA kwambiriria mbungeri iyo.
-Mbuya Ngari-
Mbica irutitwe online
