Indo cia mwigana wa makiria ma millioni mugwanja ni itwikite muu ino ni vuva wa ekuirwa kutharikira nyomba cia kumamwa ni arutwa cukururi wa secondary wa Ndagene mwena wa Imenti south kauntiri ya Meru kivwai kia muthenya wa igoro.
Riri ni rita ria kairi mwaki gututhuka kauntiri iyo ino ni vuva wa nyomba ya kumamwa ni arutwa a cukuru wa eritu a Ruiri , Buuri East gututhuka wanayo mwaki vuva wa ciana gucoka kuma rutha rwa kiumia kimwe.
Mwaki wa cukuru wa Ndagene urerikana gukorwa urambiritwe ni arutwa amwe . Mwarimu munene wa cukuru uyu wa Ndagene na uria uramenyekana ta Peter Njoroge augite mwaki uyu urekuirwa gukorwa uratuthurirwe nikwona thitima irari mborie kavida karia mwaki uyu uratuthukire.
Maavitha a vorithi maugite matimenyete uria mwaki uyu urambiririe na uria uthuthuria niwambiriritie.
–Mwende Jackie
-Mbica irutitwe online
