Anyiti itemi ruvongeri rwa kithomo kauntiri ya Embu nimavecanite medekithia mao kuri kamiti ya amemba 42 aria macaguritwe ni raisi William Ruto kumurika ruvonge rwa kithomo vamwe na mutaratara muceru wa kithomo wa CBC.
Makiaria na metha ya movoro maugite wanangikorwa nimaranyita mbaru mutaratara uyu medekithitie kamiti ino gutigirira CBC ndigukorwa wi murigo murito muno kuri aciari wana ciana.
Kuringana na murungamiriri wa cukuru wa Mt.Kenya View Sammy Nthiga auritie kamiti ino ikivecana medekithia mao kuri raisi gukorwa makiroria cukuru cionthe niigutetheka ai vamwe na cia thirikari na iria cia andu kiumbe.
Mwenari wake mwalimu Felister Kinani edekithitie arimu mathii nambere kuvewa mathomo maria makumatethia kuthomithia arutwa.
Muthenya wa njumaa kiumia kivituku raisi William Ruto niwacagurire kamiti ino iria igukorwa ikiruta wira kavida ka mieri 6.
-Wanja Njiru
Mbica irutitwe online
