Ambunge a kaunti ya Meru nimocete ikinyo ria kugeria kuthiria ngucanio gatagati ka ngavana Kawira Mwangaza na arungamiriri a wardi kauntiri ino wariria wa mwena uthiite nambere kunyinyia kirungamo kiao.
Igoro Njumatatu, senata Kathuri Murungi arari na mucemanio na atongoria a mbunge ya kaunti ino varia arauririe ngavana kuthondeka gikaro kia miario na maMCA ama.
Mwenegiti wa gikundi kia mbunge kia Meru na nwake mumbunge wa Tigania West John Mutunga, augite maundu maria mavatie gwikirwa muvariri wa mbere ma wardi, mavatie gwikirwa muvangori wa ukuria wa kaunti kana County Integrated Development Plan (CIDP) niundu wa kuvewa mbeca mithenya yukite.
Wavo niwaririritie ambunge aria moorotetwe na gucocera maMCA niguo kurua na ngavana, akiuga wendi wao ni kwona kuri na urumwe na mbeca makiria gutengerwa ukuria wa kaunti.
-Mbuya Ngari-
Mbica irutitwe online
