Kanitha wa East African Pentecostal Church (EAPC) uratara acara vuva wa amemba amwe a kanitha kwomora ruthingo na kwiya indo imwe cia kanitha umwe mwena wa Chugu gicigo mbunge kia Imenti North kauntiri ya Meru.
Amemba ama marathithukire kanitha wa Machaaria utuku wa igoro na kwiya spika na microphone na indo cia wini cia makiria ma ciringi million 1.5, na wavo makua iti, mirango na ndirica.
Gicanjama giki gikikite vuva wa kurika gwa cira igotiri ngucaniori cia kanitha 10 kumenya iri runga rwa kanitha iriku gatagati ka EAPC na EAPC Living Waters Church, iria yamukanire na EAPC mwaka 2000.
Mwenegiti wa kanitha uyu wa Machaaria John Ndumba augite indo cia vakuvi million 4.5 niiraiirwe igoro utuku.
Augite amemba amwe a kanitha uyu wa Living Waters maratuire cira wa kuthama kanitha na indo iria matethereretie kanitha uyu kugia kuma mwaka wa 2000.
Thagathaga ino ciaumbuthukire kiumia kithiru riria atongoria a kanitha wa Living Waters monekanire na mavitia ma kwagarara watho wa igoti rinene wa mwaka wa 2019 wa gucokia kanitha 10 iri vamwe na Machaaria kuri EAPC.
-Mbuya Ngari-
Mbica irutitwe online
