Arumiriri a kanitha wa National Independent Church Of Africa nio N.IC.A gicigo mbunge kia Runyenje kaunty ya Embu, nimayagukanite ni kiria mareta kubeo mikana ya kwieberia kungitwika matiretikania na mabujio maria marathomithio guku.
Maugite nimararirwo nai oro undumwe na kuvuthua ni muthikavu wao, undu uria utumite kanitha wa NICA Gitare ukagayukana.Gicunji kimwe kia arumiriri maratungata Mari rungu rwa Diocese ya Tharaka-Nithi na aria engi mari a Diocese ya Embu.
Makiaria na Kimuri fm riria maracemanitie muthenya wa ira,maugite ona kubana oro uguo nimagite na kiungano niguo kwigwatira kirathimo kia aria mambiririirie kanitha uyu.
–Muriithi Amos-
Mbica irutitwo online
