Gikundi kia avunjia kuma kanitha itiganite nimathondekete mavoya ma vamwe na maria makuruvanitie ekari a kaunti iyo, niguo kuvoera utongoria wa kaunti iyo uria ukoretwe na ngucanio.
Thiini wa mavoya mau, thayu na urumwe niuvoeretwe kavindari gaka bunge ya senate itanyitwe gucemani a kiumia giki, niguo kwariria kuvagurwa kwa ngavana wa kaunti iyo, Kawira Mwangaza.
Akiaria vuva ya mavoya mau, umwe wa avunjia acio augite Ameru matangikite ngoro vuva wa ngavana Mwangaza kuvagurwa na niundu wa ngucanio iria ikoretwe gatagati ka ngavana wa Meru na munini wake Isaac Mutuma.
Wauguo, aria marari mavoyari mau, maugite mari na mwivoko kuvitukira mavoya maria mekite, maundu nimagucenjia.
Wauguo, andu acio mongererte na kuuga ni kieva kwona maundu makirungama kauntiri ya Meru riria maundu marathie na mbere kauntiri 9ciingi na kuuga kwina vata ya atongoria aria mavagurite ngavana wakaunti iyo, gwicokerera niguo maundu maria mareka vuva ya gucungirirwa ni ikundi cia aria iravurana na utongoria wa ngavana wa Meru, nimathira.
-Murugi Ndwiga-
-Mbica irutitwe online-
