Minista wa vinya Davis ChirChir augite, kwambatira kwa ngarama ya muturire gucungiriritwe muno ni mbara iria irathie na mbere vuruririri Isarel na Palestine undumwe na mbara iria yakoretwe kuo vururiri wa Ukraine.
Akiaria vindi ya miario ya vururiri ya maundu ma utonga wa vururiri, ChirChir augite mbara micio niiratuma indo kuvanda mavururiri monthe ma nthi na kuuga kiu nikio gicungiririte vanene kwambatira kwa thogora wa indo vururiri na muno maguta.
Kunari uguo, Chirchir aaugite thirikari ya Ruto niirutaniritie niguo gwikurukia ngarama ya muturire na kuuga kavinda nigagukinya varia akenya magakenagirira wira uria mutongoria wa vururi Rais William Ruto akoretwe akirutira akenya.
Chirchir niuthiete na mbere kuria akenya kuriva magoti maria magirire kuriva na kavinda karia kagirire na kuuga kuvitukira magoti mama, maundu nimakwagira guku akiuria akenya kunyita mbaruRais Ruto vamwe na thirikari yake niguo thirikari ya Kenya Kwanza ivote kuvingia cieraniro ciake kwi akenya.
-Murugi Ndwiga-
-Mbica irutitwe online-
