Thirikari ya kenya iina muvango wa kwongerera mithenya iria macindano ma ngari ma World Rally Championship (WRC) Safari Rally mavatii gwikika kuuma mithenya 3 nginyagia 5.
Mutongoria wa vururi William Ruto niuritie ruvonge rwa mithako kurutithania wira na kiama kia macindano ma ngari nthi ngima, International Automobile Federation (FIA) wavamwe na WRC niguo gukinyaniria riendekithia riri.
Raisi Ruto aritie umunthi kuria Kenyatta International Convention Centre (KICC) mwena wa Nairobi riria akuruguragia mavenya ma 2024 WRC Safari Rally.
Akiongorera niugite vururi wa Kenya niwivariritie gutumira kanya karia kavecanitwe ni mavenya mama ma ngari niguo gukuria utonga wa vururi.
Augite muvango uyu niukuretera vururi mabilioni ma mbeca na njira ya aigithia kuria augite nginya mukenya wa kirathi kia nthi niugukorwa agikira kindu muvuko.
Raisi Ruto augite mavenya mama makekikaga kavindari ka Easter niguo kuguciriria akenya engi undumwe na ageni gukorwa magicindana thiini wa macindano mama.
Munene Nyagah
Mbica irutitwe online
