Kaunty ya Embu mithako ikoretwo ikioywo ta muthako wa arume niundu wa kwaga kwa airitu muthakoini uyu thiini wa league cia kaunty.
Joseph Migua, uria niwe mwandiki wa kiama kia mubira wa volleyball, kaunty ya Embu nioritie airitu gucoka kibaro niguo kuthaka mubira wa volleyball.
Akiaria ari kibaroini gia cukuru wa muthingi wa Kangaaru na kuria ligi ya muthako wa Volleyball iraruguririo, Migua augite athaki nimarabotire kwonania muthako wa kirathi kia iguru.
Migua nioritie endi wega na abariria mithako kubura njeki airitu na atumia mubiraini uyu guku akimoria kubeana kundu gwa kwirutira muthako uyu, indo cia mithako oro undumwe na mitaratara miega ya gucindana mithakoini.
Ningi niagwetee mubango wa mithako iria ikarumiriria guku akiuga nimarabotire kuthaka mibira 18.
Murugamiriri wa rubonge rwa wendia kuuma sacco ya Winnas James Njiru, nianyitite mbaru miario ino guku akiuga mubango uyu mauyukitie nikuona muthako wa volleyball niuriganagira muno.
Athaki aria marathakaga ligi ino nimoritie kaunty kumabura njeki na njira itiganite niguo kwagirithia muthako wa volleyball na njira ya kumarebera andu a kuroria ibeo ciao.
Ningi njiru augite mithako ino igekirirwo kuri airitu noirete ugaruruku mwega, kurunga mitugo na kwiitikia gatagatiini kao.
Njiru augite Sacco ya Winna no ikuthii na mbere na kunyita mbaru mithako ino kuri arume guku akiuga nimebariririe guteithiriria timu cia atumia na airitu.
Mbica irutitwo online
–Muriithi Amos-
