Arigitini a Meru nimavete thirikari ya kaunti ino ndumiriri ya mugomo wa mithenya 14 vuva wa kurega gukinyaniria maundu maria meraniririre thiini wa ngirimiti ya mweri wa kana mwaka uyu.
Ndumiririri yao muthenya wegoro, arigitani aya maugite macokererie wira mweri wa kenda mwaka muthiru na varia mari na maundu megucanire na thirikari maria mavatie kuvingua mbere ya mweri wakana mwaka uyu.
Arigitani aya riu maugite gutiri undu wanari umwe urikitie kuvingua nginya umunthi.
Arigitani aya, wavo maugite thina munene uria mavitukagira ni kundu gutari kumariru gwa kurutira wira na unyiviriru wa arigitani mathivitariri.
Wana kunari uguo, arigitani aya nimacakaite kwona bajeti ya mwaka uyu ndinakorwa igikirwa mbeca cia kwandika arigitani matanyivirite 500 aria marendekena kauntiri ya Meru na varia maugite mama nimo maundu maria manini muno marevoka gwikirwa ni thirikari ya kaunti na kwaga uguo nimagukorwa makiga miro yao nthi.
Mbica irutitwo online
–Mukii wa Mwaniki-
