Akenya aria marikitie gucinda mithako ya Olympics ya mwaka uyu 2024 mwena wa Paris France nimatugitwo na mbeca vari vari ni mutongoria wa vururi William Ruto.
Aria othe marikanitie na gucinda mimekinyitie kivarori kia Eldoret umunthi kuria rais Ruto amakumitie niundu wa utorania wao na kuvira vendera ya Kenya iguru thiini wa macindano ma Olympics.
Aria maracindire thahabu ni Beatrice Chebet uria acindite thahabu thiini wa mavenya ma mita 10,000 na ma mita 5,000,Faith Kipyegon thiini wa mavenya ma mita 1,500 na Emmanuel Wanyonyi mavenya ma mita 800 mimamukiritwe mirioni ithatu.
Wavo Faith Kipyegon na Ronald Kwemoi nimamukirithitwe mirioni igiri niundu wa kuvunja rekondi ria ivenya ria mita 5OOO.
Nake uria ecindirite Bronze nike Mary Moraa (800m), Abraham Kibiwott (Steeplechase), Faith Cherotich (Steeplechase), Benson Kipruto (marathon), and Hellen Obiri (marathon) nimamukiritwe wamundu mirioni imwe.
Mbica irutitwo online
–Kinyua wa Njeru–
