Maavitha a vorithi kuma kauntiri ya Kirinyaga nimarathuthuria gicanjama kia mwiri wa mundumurume wa ukuru wa miaka 25 wa itura ria Mahiga-ini mwena wa Mwea uria uraikitwe macine ya kurima mucere ena nguraro thiini wa uthio wake.
Mundumurume ucio kurerikana araurite mithenya itano mbere ya mwiri wake wonekanite.
Kuringana na Munene wa vorithi kuma mwena wa Mwea ya irathiro Patrick Nyaanga augite mwiri wa mutigairi Joseph Munyi Wairimu uronire ni ekari na aria maratema nyaki bakubi na mutaro wa maai ma kurima mucere.
Ekari a itura ria Mahiga-ini nimarekinyirie varia gicanjama kiu kirekikire matongoretwe ni muthuri wa itura Gathee Muriithi uria augite mutigairi aurire tariki 14 mweri uyu na muciari wake akoretwe akimucaria.
Wavo augite mutigairi Munyi ararutaga wira eta muthambia wa oteri imwe tauniri ya Ngurubani.
Avitha Munene Patrick Nyaanga augite mwiri wa mutigairi niviritwe nyombari ya kwiga miiri ya Kibugi mwiri wetererete gwikwa ithimi cia postmortem.
Mbica irutitwo online
–Kinyua wa Njeru-
