Ekari a itura ria Mugae vakuvi na muvaka wa kanti ya Meru na I siolo nimatetete niundu wa kwongererka kwa uvaguku wa ugitiri mwena ucio kurumirira ntharikira wa vamwe na wiyii wa maviu undu ucungiririte andu gutaa mioyo yao.
Ntharikira ya vakuvi yekekire kiambiriria kia kiumia giki na varia avitha umwe wa vorithi thiini wa ruvonge rwa NPR wicikene ta Benson Kaimenyi wa ukuru wa miaka 42 aratere moyo wake vuva wa kurathwa ni andu mekuiritwe ni a kuuma kaunti ya Samburu na makiia ng”ombe ciake igiri wa vamwe na mucinga wake.
Andu a itura na a mucii nimecuritwe na kieva kinene kurumirira gikuu kia avitha uyu na varia ethe wake augite ti rita ria mbere mundu kuragwa thiini wa itura riu ni undu ukoretwa ugikika mavinda kwa mavinda iturari riu.
Riu ekari a itura riri nimauritie thirikari gutwarithia na mbere miungururio mwena ucio niguo kuvitana na eki naii acio.
Mbica irutitwo online
–Ireri wa Njagi-
