Thirikari ya Kenya, kuvitukira ruvonge rwa urimi, nimaniririte muvango wa kugura ngunia cia mbembe mirioni imwe kuuma icigo itiganite guku vururiri na varia wa ngunia ya kilo 90 ikaguragwa na ciringi 3,500.
Ikinyo riri riina itanya ria gutigirira thirikari niyavota gukinyaniria muvango wa gukorwa na irio cia kwigana varia kavindari gaka kwiina gicunji kia 30 vari igana ya gicunji kiria kiendekithitue.
Thiini wa ndumiriri iria icainitwe ni minista wa ruvonge rwa urimi ndagitari Andrew Karanja, niwongorerete na kuuga ikinyo riri ti ria gutigirira kwiina irio cia kwigana tu nwati nginyagia kunyitirira arimi kimbeca.
Muvango uyu niugendanitie na uria wa thirikari wa Bottom Up Economic Transformation Agenda, uria utanyite kugaciria umithio kuri arimi na kugia na wirugamia munene ruvongeri rwa urimi.
Wauguo circular iria yarekererue aramici tariki 31, yugite thogora uyu wikiritwe wa kugura mbembe ugatethereria kurugamia thogora wa mutu wa mbembe kuonthe vururiri.
Kaari Mugendi
Mbica irutitwe online
