Minister wa kithomo Julius Ogamba riu augite thirikari nirikitie gwaka irathi 14,000, cia kuramata kithomo kia Junior secondary, guothe bururini kwa kabinda ka mieri ithatu mibituku.
Akiaria umuthi riria auma cukuruini wa mucingi wa Uthiru kaunty ya Nairobi Ogamba, augite irathi 14,500 nicio arutwo a grade ya Kenda marabatara, niguo kuthii na mbere na mathomo mao uria kwagiriire.
Ogamba ningi augite ministry ya kithomo ina mubango wa gwaka irathi cia laboratories 1600.
Kabindaini okau Minister ucio wa kithomo oritie aciari kwandikithia ciana ciao rungu rwa mutaratara wa SHA, ona thengia wa mathina maria matungite rungu wa wiandikithia ucio.
Mbica irutitwo online
–Muriithi Amos-
