Mundumurume umwe niuturitwe kiovo kia miaka 10 njera in oni vuva ya kugeria kuraga uria wari minista Munene vururiri wa Japan Fumio Kishida agitumira mbomu ya muvaivu mwaka wa 2023.
Kishida ndagurarua thiini wa ntharikiro ino iria yekikite na mbomu ino ya kwithondekera mamburari ma kambeni varia mwikuirwa uria wiina miaka 25 akimenyekana ta Ryuji Kimura, akirue ngono ai gicigori kiu.
Gicanjama giki kiria giekikire mwena wa Ithuiro vururiri ucio wa Japan giekikite rungu rwa mwaka umwe vuva ya uria wari minista Munene Shinzo Abe kuragwa mweri wa mugwanja mwaka wa 2022 agika kambeni.
Igoti ria Wakayama District riravere Kimura kiovo kia miaka 10 njera niundu wa kugeria kuraga in oni kuringana na nyomba cia movoro cia Jiji Press na public broadcaster.
Mwena wa nthitango niwakoretwe ukiendekithia kiovo kia miaka 15 guku mawakiri a Kimura vanduri va miaka ithatu makoretwe makimuruirira niundu wa niwaregire gukorwa aina muoroto wa kuraga Kishida.
Indo cingi nicionekanite muciiri kwa mwikuirwa ta mututu wa mucinga, undumwe na mivaivu gatagatiri ka indo ciingi vindi ya kuthugwa kwa mucii ucio vuva ya ntharikiro ino.
Mbica irutitwo online
–Kaari wa Mugendi-
