Vururi wa Sudan nuvingite manjani ma guku vururiri niguo matigakorwe makithii vururi ucio undu uria uretete kiagago na njira nene kuri arimi wavamwe na arugamiriri a ithii cia manjani guku vururiri.
Ikinya riri na riria ritinitie thoko imwe ya iria nene muno cia manjani muthemba wa BP1 nirirevokwa gucungirira athara kuri arimi anini na aria mathiaga manjani.
Kuringana na mungano wa East Africa Tea Trade Association (EATTA), kuvingwa guku kwa manjani nigukorwa gukirigiriria manjani matanyivirite 2,000 containers ma mwigana wa KSh 1.3 billion maria kavindari gaka mari gicukirori kia meri kia mombasa.
Makiaria thiini wa igongona ria gucokia ngatho ria mwene giti wa kithii kimwe kia majani guku countiri ya embu atongoria aya ithii itiganite cia manjani nimauritie thirikari wavamwe na anyiti itemi matiganite kumatethereria niguo thoko iyo ya sundan imacokerere.
Wanakunari uguo arimi nwamauritie kuthondekerwa riera riega ria kwendia manjani mao ai vamwe na kuthondekerwa varavara.
Riu nao arimi nimauritue gitigirira nimavanda indo ciingi niguo gutiga kuroria mwena umwe ta kivanga.
Riu arimi nimauritue mavorere kwona thoko ya manjani mau maragendaga Sundan niuyambiriritie gucarua guku vururiri.
Mbica irutitwo online
–Kaari wa Mugendi-
