Minister wa urimi Mutahi Kagwe nuurikiriritie thavari yake ya United States, undu uria ukugitira mieke ya indo itiganite cia urimi kuma guku vururiri na iria igendaga nja ya vururi wavamwe na wigithia.
Akiaria na murugamiriri munene wa United States Africa Trade Desk (USATD) Gavin Van Der Burgh, Kagwe nuwaririritie uvoro wa indo cia urimi na iria igendaga vururiri ucio undu uria ugutethereria gukorwe na kundu gwa kwenderia wavmwe na kwongererka kwa nyonda ya indo cia urimi kuma guku vururiri.
Mwenari wa USATD niranirite kuvecana utethio wa kimbeca kuri arimi kuma guku vururiri niguo kumavotithia kuvecana indo nyingi ta uria irendekana mwena ucio.
Kagwe augite mbeca ino niiigutethereria na njira nene andu aria maviraga indo itiganite mwena wa America.
Icera riri nwaritethereretie gwikiranira ngirimiti gatagati ga Kenya National Chamber of Commerce and Industry (KNCCI) na South Carolina African American Chamber of Commerce (SCAACC), iria irugamiririte makiria ma biacara 15,000.
Munene Nyaga
