Mumbumge wa Manyatta Gitonga Mukunji niukumite ang’ethaniri aake a giciaca vamwe na maavitha amwe a vorithi ni kiria augite kwari na njama ya kumuraga riria anyititwe vindi ya mirurungano ya saba saba.
Mukunji athitangiritwe mavitia ma gucungirira ngui vindi ya mirurungano nwati igoti ria Kahawa riamurekereria niundu wa mwena wa nthitango kwaga gutwara ciira.
Akiaria ari mwena wa University ya Embu, Mukunji augite kwamatwa gwake kurari na njama ya kumuthiria gi ciaca, akiuga aavetwe gucagura kuvurwa rithathi aigirirwe kurega kwamatwa, kana auragwe na mwaki wa kuvangwa ari kuu vorithi.
