Cukuru imwe mwena wa meru uri thinari ino ni vuva wa kurigiriria arutwa ikumi gwikarira kigeranio kia kivururi kia KCSE .
Arutwa a cukuru wa secondary wa Matewa mwena wa tigania ya gatagati marerikana mengatirwe muthenya wa kigeranio niundu wa itumi itiganite na imwe iri marivi ma cukuru kana vici wa undumwe na aria movete ndaa.
Murutwa umwe na uria wovete nda niwavingirirue gutonya kirathiri kia kigeranio.
Murutwa uyu ari gatagati ka arutwa engi anna na aria movete nda cukururi ino .
Muciari umwe na ritwa Penina Karimi augite muvici engatirwe cukuru niundu wa marivi ma vici.
Komicona wa kaunti iyo ya Meru Fred Ndunga augite cukuru uyu niurathuthurua niundu wa kuthii mugaro na mawatho ma thirikari varia augite murutwa wa guonthe niavatie kwandikithua thiini wa kigeranio kia kivururi.
Kuringana na murugamiriri wa kithomo kauntiri ya Meru David Kinaiya arutwa 26,879 nio mandikithirue gwikarira kigeranio kia kivururi kia KCSE mwaka uyu.
Ino yukite wariri kwiumiritie ati arutwa 21 a kigeranio kia KCSE na makiria ya arutwa 200 a kigeranio kia KCPE matinavota gwikarira igeranio ciao mwaka uyu.
-Mwende Jackie
-Mbica irutitwe online
