Vamiri ya Collins Jumaisi Khalusha, mwikuirwa munene wa ikuu cia mwena wa Kware, yugite mamwonire mwico mwaka wa 2022 ukiambiriria, na kuuma vindi iyo Jumaisi ndanakorwa agicokereria mucii.
Ng’ina wake, na uria wikaraga iturari ria Nyatike, kauntiri ya Migori, augite niwakoretwe akiuria kana kwa muriuwe kwa akuire.
Mundu wa mbere kwaria thiini wa vamiri ino ari mwari wa ng’ina na uria uvikite wadiri ya Shiru kauntiri ya Vihiga.
Mwari wa ng’ina uyu, augite ai na ngaja ati murua wa ng’ina nike wakorirwe akiuraga andu acio kwona ari mundu muvoreri muno.
Ng’ina wa Jumaisi, Margaret Rose Jumaisi, augite mwikuirwa ni mwana wake na vuva wa ithe wao gukua mwakari wa 1995, nimakorirwe makithamira iturari ria Lwala Rabour, Nyatike kauntiri ya Migori.
Murua wa ng’ina, Reuben Elijah Muhanji, augite marereretwe vamwe na mwikuirwa uria umakitie vururi gwonthe niundu wa giiko giki kia unyamu.
Vamiri ino niravoya uthuthuria wikwe niguo kumburania ari mekire giiko kiu kiria mwana wao nike mwikuirwa munene.
Mbica irutitwo online
–Mukii wa Mwaniki-
