Mundumurume umwe niarekereretwe na mbondi ya mirioni imwe vuva wa guthitagwa na mavitia a kwiiya.
Mwikuirwa uria aramenyekana ta Jeremiah Anakoli Amoyo yake ithikiririrwe igotiri ya Milimani niundu wa wii wa muigana wa ciringi mirioni 9,113,748.25 iria aiire gatagati ka tariki imwe na tariki ithano mweri wa kairi mwaka uyu wa 2024.
Kuringana na mwena wa nthitago Amoyo ekuiritwe kwiiya mbeca icio mubukoini wa Eco iria i mwena wa Westlands kauntiri ya Nairobi.
Vuva wa wii ucio wa mbeca Amoyo niwacikirire thiini wa account ngurani.
Amoyo aikirwe ngono tariki 21 mweri uyu wa mwaka wa 2024 na thiini wa ciira ucio acirithania nimathikiririte aria meyoneire gicanjama kiu.
Mbere ya mucirithania Munene Susan Shitubi mwikuirwa niareganite na nthitago na kurekererwe na mbondi ya mirioni imwe kana mbeca varivari ngiri Magana matano.
Mbica irutitwo online
–Kinyua wa Njeru-
