Aciari kuuma cukuru wa muthingi wa Gikuyari gicigo mbunge kia Mbeere North mari na mwiboko arutwo aria mathomagira cukuru uyu, nimegwika wega makiria thutha wa cukuru wa Gikuyari gwakwo weru.
Akiaria bindi ya kwamukira irathi ici njeru kuuma kuri mwene kandarathi uria uraramataga waki uyu, muikariri giti wa mungano wa aciari Augustin Muriuki augite waki uyu niukurebe riera riega ria arutwo kwamukira mathomo.
Muriuki ningi niacokeretie ngatho mumbunge wa Mbeere North Geofrey Ruku, niundu wa kiria areta uramati mwega wa kigina kia ukuria wa icigo mbunge, guku akimuria kurekereria mbeca makiria niguo kurikiriria miako ingi iria itigarite thiini wa cukuru.
Mwenaini wake muikariri giti wa rubonge rwa Junior Secondary thiini wa cukuru ino Judy Njeri,nietikirite nigukoretwo na mathina no agacokia ngatho niundu wa uthii ucio wa na mbere.
Mwenaini wake mwalimu munene wa cukuru uyu Mercy Muriuki, augite kwagirithia gwa kundu kwega gwa kuthomera nigugucungiriria arutwo kuingira cukuru uyu kwa namba nene.
Mumbunge wa Mbeere North Geoffrey Ruku,mwenaini wake augite nimabotete gukinyaniria miradi itiganite ya gwaka weru macukuru makibuthira kigina kuuma kuri thirikari nene.
Mbica irutitwo online
–Muriithi Amos–
