Muthikavu wa diocese gatoreki ya Embu, Rt Rev Peter Kimani niuritie andu gutambia wendo kavindari gaka ka ngunguiro cia kuriuka kwa Yesu Kristu na wa mundu agie na kavinda ka kwithuthuria ta mundu kiumbe.
Muthikavu Kimani araragia ari kanithari ya Our Lady of Assumption, Embu kuria aratongoririe mitha ya Easter Sunday. Niwongererete na kuuga ciana ivatarite kuvewa kionereria kiega ni aria maramarera.
Ningi niuritie kunyitanira na maboya kuvoera vururi uyu wa Kenya niundu wa maundu macuku maria mathiite nambere kuonekana akimurika wendia wa ciiga cia mwiri uria ukoretwe ugitwarithua nambere thivitariri wa Medi heal.
Mwenaini wa Muthikavu Munene wa diocese nene gatoreki ya Mombasa, Martin Kivuva Musonde niuritie thirikari kugia na uigiririki thiini wa mikobo iria irakova niundu mukenya nike uthiite nambere kuvinyiririka gucokia guku agitara mbeunjithi kwithema gutumirwa nai ni ateti.
Woni unyititue mbaru ni muthikavu mutethereria wa muthikavu thiini wa diocese nene gatoreki ya Nairobi guku akiuria muingi kuiga thayu.
Mbica irutitwo online
–Kaari wa Mugendi-
