Ciama cia arimu cia Kenya National Union of Teachers (KNUT) na the Kenya Union of Post Primary Education Teachers (KUPPET) niivitukitie muvuraniri wa giturwa kia urais na muugano wa Azimio la Umoja One Kenya Raila Odinga na munini wake Martha Karua.
Undu uyu wikikite kiroko kia umunthi thiini wa mucemanio wa kuricanira vamwe na arimu makiria ma 300 na uria wikikire kauntiri ya Kiambu kuria Martha Karua arekinyitie.
Karua niwirire arimu aya kuongererwa kwa arimu na marivi maao angikorwa nimakathurwa gutongoria vururi uyu thiini wa kithurano kinene giukite.
Guku agikumia arimu na kuuga ni gicunji kinene kia aria mavecanaga utungata wa vata kuri mwingi guku vururiri undumwe na gucangira uthii wanambere niundu wa matuku maukite.
Wauguo niuvitukirue ni makiria ma arimu 2,000 na aria ni atumia kauntiri ya Kirinyaga aria marari kigomanori tauniri ya Kirinyaga.
Mwenari wake mwandiki munene wa KNUT, Collins Oyuu, augite timu iria mbaro ya kuvurira kambeni ni ya Baba na Martha niundu niramatite maundu megii arimu na njira yagiririkite.
Kaari wa Mugendi
Mbica irutitue online
