Ekuirwa airi a wii kiroko kia umunthi nimauragitwe ni mwingi vuva wa gukuruvanua na wiki nai tauniri ya Mutuati , Igembe North kauntiri ya Meru .
Ekuirua aya marari gikundiri kia eki nai engi atano kavida karia manyitirwe magikua mirigo iria maraiite kuma matukari wa undumwe na micii itiganite .
Onjoria aria maraina marakara na aria methiririe matuka mao Mari mavunje makorirwe magikunyirua ati gikundi kia wiki nai nikionetwe kilomita imwe kuma tauniri iyo magikua indo iria irekuirwa gukorwa maraiiite .
Wauguo nimethaire nevenya na matharaita na kuthii kuria mareriritwe na kwamata ekuirwa airi acio engi makinavota gutoroka .
Mwingi niurivire ekuirwa aya airi guku makimacukuma kuthithura eki nai acio engi mbere ya maavitha a vorithi mamavonoketie .Munene wa avitha wa vorithi wa Mutuati William Leting augite ekuiwa aya airi makwire matengeretue thibitari wa Nyambene Sub-county niguo kurigitwa .
Avitha leting waguo augite indo imwe iria iraiitwe niivotete kwamatwa .
Wauguo avitha leting athiite nambere na kuuga gikundi giki kia eki nai kirekuirwa gukorwa kiri vamwe na gikundi kia eki nai kia Nkomori na kiria gikoretwe gikiagagia mwingi mwena ucio vari kavida ka miaka itiganite mivituku.
Gukoretwe na wongerereku wa ciiko cia wiki nai mwena ucio guku eki nai makivewa mukana wa gukorwa magitigana na ciiko cia wiki nai kurega uguo magakorwa magicemania na watho.
-Mwende Jackie
-Mbica irutitwe online
