Minista wa ugitiri wa ndari Kithure Kindiki augite maavitha a vorithi aria mari na miaka minini na aria marikitie mathomo mao niguo gutuika maavitha, matigutumwa nja ya vururi kuthii kumatia ugitiri mavururi maria marii na mbaara.
Akiaria ari kaunti ya Nairobi, Kindiki augite maavitha aria magutumwa kuthie mavururi maria mari na mbara ni maavitha aria marina mathomo maria magirire niguo mavote kumatia ugitiri mavururiri mau.
Kindiki niuthiete na mbere kuuga ruvonge rwa ugitiri wa ndari nirukuiga mitaratara iria yagirire niguo gutigirira maavitha aria marathie mavururi ma nja kumatia ugitiri, mari na indo iriaa ivaterie niguo gutigirira matiraiga miturire yao ugwatiri mari mavururi mau.
Miario ya Kindiki yukite mithenya minini vuva wa ikundi iria itetagira ivoto cia umundu kuuga kwina ugwati wa guta mioyo ya maavitha akenya vururiri wa Haiti, niundu wa mbaara nene iria irathie na mbere vururi ucio guku engi makiuga ruvonge rwa ugitiri niruvatie gutigirira vururi wa Kenya wina ugitiri mwiganu mbere ya gutuma maavitha a mbiraru kuthie nja ya vururi kumatia ugitiri.
-Murugi Ndwiga-
-Mbica irutitwe online-
